Gjatë zhvillimeve të fundit në protestë, disa persona janë paraqitur për trajtim mjekësor në dy struktura spitalore të Tiranës, përfshirë efektivë policie dhe protestues. Sipas burimeve zyrtare, gjendja e tyre raportohet jashtë rrezikut për jetën.
Në Spitalin Universitar të Traumës po marrin shërbim mjekësor:
- 2 efektivë policie
- 2 protestues
Ndërkohë, në QSUT po trajtohen:
- 1 efektiv policie
- 2 protestues
Sipas informacioneve të përcjella nga strukturat spitalore, të gjithë personat e paraqitur për ndihmë mjekësore janë jashtë rrezikut për jetën dhe po marrin trajtim të specializuar.
Këto paraqitje në spitale vijnë pas tensioneve të raportuara gjatë protestave, ku janë shënuar përplasje të izoluara mes protestuesve dhe forcave të rendit.
